Xəbərlər

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

Şirvan şəhəri Bəhruz Aslanov adına 16 nömrəli tam orta ümumtəhsil məktəbinin texniki işçiləri Şəki-Qax zonasında bir günlük tur-ekskursiyada olmuşlar.

ETİHİ Şirvan Şəhər Komitəsinin təşkilatçılığı ilə üzv təşkilatların ittifaq üzvləri üçün tur-ekskursiyalar təşkil olunub. 23 avqust 2026-cı il tarixdə Şirvan şəhəri Bəhruz Aslanov adına 16 nömrəli tam orta ümumtəhsil məktəbinin texniki işçiləri Şəki-Qax zonasında bir günlük tur-ekskursiyada olmuşlar. Ekskursiya zamanı ittifaq üzvləri həmin rayonların gəzməli-görməli yerləri ilə tanış olub, gözəl və yaddaqalan bir asudə vaxt keçirmişlər. İttifaq üzvləri onlar üçün yaradılan belə bir şəraitə və diqqətə görə həmkarlar ittifaqlarına öz minnətdarlıqlarını bildirdilər.

Şirvan şəhəri Bəhruz Aslanov adına 16 nömrəli tam orta ümumtəhsil məktəbinin ittifaq üzvləri üçün Qax rayonuna ekskursiya təşkil olunmuşdur.

ETİHİ Şirvan Şəhər Komitəsinin üzv təşkilatlarının ittifaq üzvləri üçün tur gəzintilər davam edir. Bu dəfə isə belə bir tur Şirvan şəhəri Bəhruz Aslanov adına 16 nömrəli tam orta ümumtəhsil məktəbinin ittifaq üzvləri üçün Qax rayonuna səfərlə təşkil olunmuşdur. Səfər iştirakçıları asudə vaxtlarını səmərəli və mənalı keçirmək məqsədilə təşkil olunmuş belə tur gəzintiyə görə təşkilatçılara öz dərin minnətdarlıqlarını bildirdilər.

Şirvan şəhəri 6 saylı uşaq bağçasından bir qrup ittifaq üzvləri üçün Şəki rayonuna bir günlük gəzinti turu təşkil olunmuşdur.

Avqustun 9-da ETİHİ Şirvan Şəhər Komitəsinin təşkilatçılığı ilə şəhər komitəsinin xidmətində olan Şirvan şəhəri 6 saylı uşaq bağçasından bir qrup ittifaq üzvləri üçün Şəki rayonuna bir günlük gəzinti turu təşkil olunmuşdur. Səfər çərçivəsində ittifaq üzvləri füsunkar təbiət qoynunda dincələrək, Şəkinin gəzməli-görməli yerləri ilə tanış olaraq asudə vaxtlarını səmərəli, mənalı və yadda qalan şəkildə keçirmişlər. Səfər iştirakçıları onlara göstərilən diqqət və qayğıya, yüksək şəraitli istirahət imkanına görə ETİHİ Respublika Komitəsinə və ETİHİ Şirvan Şəhər Komitəsinə dərin minnətdarlıqlarını bildirərək, bu cür təşəbbüslərin gələcəkdə də davamlı olmasını arzulayıblar.

ETİHİ Şirvan Şəhər Komitəsinin İttifaq üzvləri üçün istirahət təşkil olundu.

18, 19, 20 iyul 2026-cı il tarixlərində ən böyük təşkilatlarından olan Şirvan Dövlət İqtisadiyyat və Humanitar Kollecinin 60 nəfər ittifaq üzvü komitənin dəstəyi ilə ölkəmizin dilbər guşələrindən olan Qəbələ və İsmayıllı rayonlarında mənalı və xoş istirahət günü keçirdilər. İstirahətin məqsədi ittifaq üzvlərinin gündəlik iş qayğılarından uzaqlaşması və üzvlər arasında mehriban ünsiyyət, kollektiv həmrəyliyin daha da möhkəmləndirilməsi olmuşdur. Kollektiv üzvləri onlar üçün yaradılan yüksək səviyyəli şəraitə və göstərilən diqqətə görə həmkarlar ailəsinə səmimi minnətdarlıqlarını ifadə edərək, təhsil işçilərinin sosial rifahının və asudə vaxtının səmərəli təşkili istiqamətində həyata keçirilən bu cür təşəbbüslərin böyük əhəmiyyət daşıdığını bildirdilər.

Şirvan şəhər 13 nömrəli tam orta ümumtəhsil məktəbinin ittifaq üzvləri üçün Qax rayonuna ekskursiya təşkil olunmuşdur

12.07.2026-cı il tarixdə ETİHİ Şirvan Şəhər Komitəsinin dəstəyi ilə Şirvan şəhər 13 nömrəli tam orta ümumtəhsil məktəbinin ittifaq üzvləri üçün Qax rayonuna ekskursiya təşkil olunmuşdur. Ekskursiyanın təşkil olunmasında məqsəd ittifaq üzvlərinin asudə vaxtlarını səmərəli və mənalı keçirmələri üçün nəzərdə tutulmuşdur. Qax rayonunun səfalı yerlərini gəzən ittifaq üzvləri bu tədbirin təşkil olunmasından çox razı qalıb, həmkarlar komitəsinə öz minnətdarlıqlarını bildirdilər.

Elm və Təhsil İşçiləri Həmkarlar İttifaqı Şirvan Şəhər Komitəsinin ittifaq üzvləri üçün istirahət təşkil olundu.

12 iyul 2026-cı il tarixdə 21 nömrəli tam orta məktəbin 20 nəfər ittifaq üzvü komitənin dəstəyi ilə ölkəmizin dilbər guşələrindən olan Quba rayonunda istirahət günü keçirdilər.

08 iyul 2026-cı il tarixdə Şirvan şəhər kimya-biologiya təmayüllü liseyi ittifaq üzvlərinin Gəncə və Göygöl rayonlarına ekskursiyaları təşkil olunmuşdur

ETİHİ Şirvan Şəhər Komitəsinin təşkilatçılığı ilə 08.07.2026 cı il tarixdə Şirvan şəhəri kimya-biologiya təmayüllü liseyi ittifaq üzvləri Gəncə və Göygöl rayonlarında ekskursiyada olmuşlar. Ekskursiyada olan vaxt liseyin ittifaq üzvləri Gəncə və Göygölün gəzməli-görməli yerlərində olmuş, əsarəngiz Göygöl gölünü gəzmişlər. İttifaq üzvləri bu gəzintidən çox məmnun qalmış və təşkilatçılara öz minnətdarlıqlarını bildirdilər.

Şirvan şəhəri 12 nömrəli tam orta məktəbin bir qrup ittifaq üzvlərinin istirahəti üçün Lerik və Astara rayonlarının səfalı yerlərinə bir günlük ekskursiya təşkil olunmuşdur.

ETİHİ Şirvan Şəhər Komitəsinin dəstəyi ilə komitənin xidmətində olan təşkilatlardan Şirvan şəhəri 12 nömrəli tam orta məktəbin bir qrup ittifaq üzvləri üçün asudə vaxtlarını səmərəli və mənalı keçirmək məqsədilə ölkəmizin dilbər güşəsi olan Lerik və Astara rayonlarının səfalı yerlərinə bir günlük ekskursiya təşkil olunmuşdur. İttifaq üzvləri onlar üçün yaradılan belə bir imkana və qayğıya görə təmsil olunduqları həmkarlar təşkilatına öz təşəkkürlərini bildirdilər.

Şirvan şəhəri R.Həbibov adına 14 nömrəli tam orta məktəbin və Şirvan şəhəri 5 nömrəli ümumi orta məktəbin ittifaq üzvləri Lerik rayonu və Şuşa şəhərində ekskursiyada olublar

ETİHİ Şirvan Şəhər Komitəsinin üzv təşkilatları olan Şirvan şəhəri R.Həbibov adına 14 nömrəli tam orta məktəbin və Şirvan şəhəri 5 nömrəli ümumi orta məktəbin ittifaq üzvləri asudə vaxtlarını səmərəli və mənalı keçirmək məqsədiılə ölkəmizin dilbər guşəsi olan Lerik rayonuna və gözəl Qarabağımızın göz bəbəyi olan Şuşa şəhərində ekskursiyada olublar. İttifaq üzvləri onlara yaradılan diqqət və qayğıya görə həmkarlar təşkilatna öz dərin minnətdarlıqlarını bildirdilər.

Respublikamızın səfalı yerlərinə ekskursiyalar təşkil olunub.

İyun ayının 14-ü və 15-də ETİHİ Şirvan Şəhər Komitəsinin dəstəyi ilə Şirvan şəhər T.Bağırov adına 11 nömrəli tam orta məktəbin və M.Osmanov adına 20 nömrəli tam orta məktəbin bir qrup ittifaq üzvləri Qax və Lerik rayonlarında ekskursiyada olmuşlar. Onlar həmin rayonların tarixi və görməli yerləri ilə tanış olub, xatirələrində xoş təəssüratlar yaratmışlar. Ekskursiyaların məqsədi ittifaq üzvlərinin asudə vaxtlarının səmərəli təşkili və uzun bir təhsil marafonundan sonra bir günlük də olsa dincələrək onların motivasya olmalarına şərait yaratmaqdır. Təhsil işçiləri onlar üçün yaradılan belə ekskursiyalara görə təşkilatçılara öz minnətdarlıqlarını bildirdilər.