Xəbərlər

Şirvan şəhər 13 nömrəli tam orta ümumtəhsil məktəbinin ittifaq üzvləri üçün Qax rayonuna ekskursiya təşkil olunmuşdur

12.07.2026-cı il tarixdə ETİHİ Şirvan Şəhər Komitəsinin dəstəyi ilə Şirvan şəhər 13 nömrəli tam orta ümumtəhsil məktəbinin ittifaq üzvləri üçün Qax rayonuna ekskursiya təşkil olunmuşdur. Ekskursiyanın təşkil olunmasında məqsəd ittifaq üzvlərinin asudə vaxtlarını səmərəli və mənalı keçirmələri üçün nəzərdə tutulmuşdur. Qax rayonunun səfalı yerlərini gəzən ittifaq üzvləri bu tədbirin təşkil olunmasından çox razı qalıb, həmkarlar komitəsinə öz minnətdarlıqlarını bildirdilər.

08 iyul 2026-cı il tarixdə Şirvan şəhər kimya-biologiya təmayüllü liseyi ittifaq üzvlərinin Gəncə və Göygöl rayonlarına ekskursiyaları təşkil olunmuşdur

ETİHİ Şirvan Şəhər Komitəsinin təşkilatçılığı ilə 08.07.2026 cı il tarixdə Şirvan şəhəri kimya-biologiya təmayüllü liseyi ittifaq üzvləri Gəncə və Göygöl rayonlarında ekskursiyada olmuşlar. Ekskursiyada olan vaxt liseyin ittifaq üzvləri Gəncə və Göygölün gəzməli-görməli yerlərində olmuş, əsarəngiz Göygöl gölünü gəzmişlər. İttifaq üzvləri bu gəzintidən çox məmnun qalmış və təşkilatçılara öz minnətdarlıqlarını bildirdilər.

Şirvan şəhəri 12 nömrəli tam orta məktəbin bir qrup ittifaq üzvlərinin istirahəti üçün Lerik və Astara rayonlarının səfalı yerlərinə bir günlük ekskursiya təşkil olunmuşdur.

ETİHİ Şirvan Şəhər Komitəsinin dəstəyi ilə komitənin xidmətində olan təşkilatlardan Şirvan şəhəri 12 nömrəli tam orta məktəbin bir qrup ittifaq üzvləri üçün asudə vaxtlarını səmərəli və mənalı keçirmək məqsədilə ölkəmizin dilbər güşəsi olan Lerik və Astara rayonlarının səfalı yerlərinə bir günlük ekskursiya təşkil olunmuşdur. İttifaq üzvləri onlar üçün yaradılan belə bir imkana və qayğıya görə təmsil olunduqları həmkarlar təşkilatına öz təşəkkürlərini bildirdilər.

Şirvan şəhəri R.Həbibov adına 14 nömrəli tam orta məktəbin və Şirvan şəhəri 5 nömrəli ümumi orta məktəbin ittifaq üzvləri Lerik rayonu və Şuşa şəhərində ekskursiyada olublar

ETİHİ Şirvan Şəhər Komitəsinin üzv təşkilatları olan Şirvan şəhəri R.Həbibov adına 14 nömrəli tam orta məktəbin və Şirvan şəhəri 5 nömrəli ümumi orta məktəbin ittifaq üzvləri asudə vaxtlarını səmərəli və mənalı keçirmək məqsədiılə ölkəmizin dilbər guşəsi olan Lerik rayonuna və gözəl Qarabağımızın göz bəbəyi olan Şuşa şəhərində ekskursiyada olublar. İttifaq üzvləri onlara yaradılan diqqət və qayğıya görə həmkarlar təşkilatna öz dərin minnətdarlıqlarını bildirdilər.

Respublikamızın səfalı yerlərinə ekskursiyalar təşkil olunub.

İyun ayının 14-ü və 15-də ETİHİ Şirvan Şəhər Komitəsinin dəstəyi ilə Şirvan şəhər T.Bağırov adına 11 nömrəli tam orta məktəbin və M.Osmanov adına 20 nömrəli tam orta məktəbin bir qrup ittifaq üzvləri Qax və Lerik rayonlarında ekskursiyada olmuşlar. Onlar həmin rayonların tarixi və görməli yerləri ilə tanış olub, xatirələrində xoş təəssüratlar yaratmışlar. Ekskursiyaların məqsədi ittifaq üzvlərinin asudə vaxtlarının səmərəli təşkili və uzun bir təhsil marafonundan sonra bir günlük də olsa dincələrək onların motivasya olmalarına şərait yaratmaqdır. Təhsil işçiləri onlar üçün yaradılan belə ekskursiyalara görə təşkilatçılara öz minnətdarlıqlarını bildirdilər.

Şirvan şəhərinin ümumtəhsil məktəblərində “Son zəng” tədbirləri keçirilib.

Azərbaycan Respublikasının Dövlət Himni ilə başlayan tədbirlər şagirdlərin hazırladıqları şeir, mahnı və rəqs kompozisiyaları ilə davam etdirilib. Yüksək təşkilatçılıqla keçirilən “Son zəng” tədbirləri məzunların həyatında unudulmaz bir günə çevrilib.

Keçirilən "Son Zəng" tədbirlərində ənənəvi olaraq Şirvan Şəhər İcra Hakimiyyətinin məsul işçiləri, Şirvan-Salyan RTİ-nin müdiri, Şirvan Təhsil Sektorunun müdiri və əməkdaşları və ETİHİ Şirvan Şəhər Komitəsinin sədri iştirak etdilər. İştirak edən məsul işçilər çıxış edərək təhsil işçiləri və məzunları təbrik edərək onlara uğurlar arzuladılar.

ETİHİ Şirvan Şəhər Komitəsinin üzv təşkilatı ittifaq üzvlərinin 65 yaşlarının tamam olması münasibətilə görüş keçirildi

06.06.2026-cı il tarixdə ETİHİ Şirvan Şəhər Komitəsinin üzv təşkilatı olan Şirvan şəhəri Bəhruz Aslanov adına 16 nömrəli tam orta ümumtəhsil məktəbinin ittifaq üzvləri 1. Salmanova Hümayə Miryusif qızı 2. Kərimova Maral İmran qızı 3. Həmidova Kəmalə Balaəhməd qızının səmərəli pedaqoji fəaliyyəti və 65 yaşlarının tamam olması münasibətilə görüş keçirildi və həmin ittifaq üzvlərinə ETİHİ Şirvan Şəhər Komitəsi tərəfindən Fəxri Fərman və gül dəstələri təqdim olundu. Göstərilən diqqət və qayğıya görə yubilyarlar həmkarlar ittifaqına və tədris müəssisəsinin rəhbərliyinə öz təşəkkürlərini bildirdilər.

Şirvan Şəhərində 1 İyun - Uşaqların Beynəlxalq Müdafiısi Günü münasibətilə ümumşəhər tədbiri təşkil olunub

Bu gün ETİHİ Şirvan Şəhər Komitəsi, Şirvan-Salyan Regional Təhsil İdarəsi Şirvan Şəhər Təhsil Sektoru ilə birgə 1 İyun - Uşaqların Beynəlxalq Müdafiısi Günü münasibətilə ümumşəhər tədbiri təşkil etdilər. Tədbirdə Şirvan Şəhər İcra Hakimiyyətinin Başçısı İlqar Abbasov, Şirvan-Salyan Regional Təhsil İdarəsinin müdiri Rəşad Musayev, YAP Şirvan Şəhər Şöbəsinin sədrı Zahir Qəhrəmanov, Şirvan Təhsil Sektorunun müdiri Varis Qasımlı, ETİHİ Şirvan Şəhər Komitəsinin sədri Niyazi Nəcəfov, şəhərin hüquq mühafizə şöbələrinin rəhbərləri və şəhid övladları iştirak etdilər. ŞSRTİ-nin tabeliyindəki ümumtəhsil məktəblərinin şagirdlərinin hazırladıqları rəqslər və musiqili kompozisiyalar tədbir iştirakçılarının geniş marağına səbəb oldu. Böyük sevinc hissi ilə şənlənən məktəblilər və balaca fidanlar tədbirin təşkilindən çox razı qaldılar. Sonda Şirvan ŞİH-nin başçısı və ŞSRTİ-nin müdiri çıxış edərək bütün uşaqları 1 İyun Beynəlxalq Uşaqların Müdafiəsi Günü münasibətilə təbrik edərək onlara sağlam həyat və sevincli günlər arzu etdilər.

İttifaq üzvlərinin Qax rayonuna ekskursiyası

ETİHİ Şirvan Şəhər Komitəsinin təşkilatçılığı ilə Şirvan şəhər M.Osmanov adına 20 nömrəli tam orta ümumtəhsil məktəbinin 40 nəfər ittifaq üzvü asudə vaxtlarının səmərəli təşkili ilə əlaqədar ölkəmizin dilbər guşələrindən olan Qax rayonunda ekskursiyada olmuşlar. İttifaq üzvləri göstərilən diqqət və qayğıya görə həmkarlar təşkilatına öz minnətdarlıqlarını bildirdilər.

Şirvanda Müstəqillik Gününə həsr olunmuş futbol və badminton yarışları keçirilib.

ETİHİ Şirvan Şəhər Komitəsinin təşkilatçılığı ilə ETİHİ Şirvan Şəhər Komitəsinin xidmətində olan Şirvan şəhər UGİŞM-də və Şirvan kimya biologiya təmayullü liseydə təhsil alan məktəblilər arasında 28 May Müstəqillik Gününə həsr olunmuş futbol və badminton yarışları təşkil olunub. Gərgin və maraqlı idman mübarizəsi şəraitində keçirilən yarışda məktəblilər həm yüksək fiziki hazırlıq, həm də komanda ruhunu nümayiş etdiriblər. Sağlam həyat tərzinin təbliği məqsədilə keçirilən bu yarışlar rəngarəng anlarla yadda qalıb. Qalib gələn komanda üzvləri iştirakçılar tərəfindən hədiyyə, diplom və kubokla təltif edildilər.

Ulu Ödər Heydər Əliyevin anadan olmasının 103-cü ildönümü ilə əlaqədar tədbir keçirilmişdir.

10 May - Müasir Azərbaycanın qurucusu, xalqını və dövlətini sonsuz məhəbbətlə sevən Ulu Öndər Heydər Əliyevin doğum günüdür. Bu münasibətlə ETİHİ Şirvan Şəhər Komitəsinin xidmətində olan ümumtəhsil məktəblərinin, məktəbəqədər müəssisələrin, Şirvan Dövlət İqtisadiyyat və Humanitar Kollecinin və Şirvan Peşə Liseyinin ittifaq üzvləri Ulu Öndərin anadan olmasının 103-cü ildönümü ilə əlaqədar keçirilən tədbirdə iştirak etmişlər. Ulu Öndərin abidəsi önünə gül dəstələri düzmüş, xatirəsini ehtiramla yad edib, sonda Ulu Öndərin adını daşıyan Mərkəzi ziyarət etdilər.

Şirvan Peşə Liseyində və Şirvan şəhər 21 nömrəli tam orta ümumtəhsil məktəbində şagirdlər arasında dama və mini futbol üzrə idman yarışları keçirilib

ETİHİ Şirvan Şəhər Komitəsinin üzv təşkilatları olan Şirvan Peşə Liseyində və Şirvan şəhər 21 nömrəli tam orta ümumtəhsil məktəbində şagirdlər arasında dama və mini futbol üzrə idman yarışları keçirilib. Ümummilli Lider Heydər Əliyevin anadan olmasının 103-cü ildönümünə həs olunmuş yarışlarda qalib gələn şagirdlər ETİHİ Şirvan Şəhər Komitəsi tərəfində diplom, medal və kubokla təltif edildilər. Belə tədbirlərin keçirilməsi şagirdlərin idman bacarıqlarının inkişaf etdirilməsi, onların yaradıcılıq potensialının üzə çıxarılması baxımından mühüm əhəmiyyət daşıyır. Sonda tədbir iştirakçıları yarışların təşkilinə görə həmkarlar təşkilatlarına öz təşəkkürlərini bildirdilər.